نئی دہلی، 03 اگست(ایس او نیوز/آئی این ایس انڈیا) کانگریس لیڈر راہل گاندھی نے آٹو شعبے کے بحران اور اقتصادی ترقی میں آئی کمی سے متعلق خبروں کو لے کر ہفتہ کو الزام لگایا کہ بی جے پی حکومت ملک میں کچھ تعمیر نہیں کر سکتی، وہ صرف دہائیوں پہلے بنے اداروں کو تباہ کر سکتی ہے۔اس سے پہلے پارٹی کے مرکزی ترجمان رندیپ سرجیوالا نے دعوی کیا کہ ملک کے کچھ معروف صنعت کاروں کے آگاہ کرنے کے باوجود یہ حکومت ترقی کے بجائے تقسیم میں مصروف ہے۔سرجیوالا نے ٹویٹ کیاکہ کار فروخت میں 15 سے 48 فیصد تک کی کمی۔30 اسٹیل کمپنیاں بند ہوئیں۔انہوں نے دعوی کیاکہ صنعتی شعبے کے اہم نام راہل بجاج، وغیرہ گودریج، نارائن مورتی نے سماجی تعصب، نفرت جرم اور کساد بازاری کو لے کر آگاہ کیا۔سرجیوالا نے کہاکہ پھر بھی مودی حکومت روزگار کے بجائے نفرت اورترقی کے بجائے تقسیم پر توجہ دے رہی ہے یہ نیو انڈیا ہے۔